Yonayotgan Los-Anjeles: 5 kishi halok bo‘ldi, zarar miqdori 50 mlrd dollardan oshdi
Los-Anjeles okrugi (Kaliforniya, AQSh)da ro‘y bergan yong‘inlarda kamida besh kishi halok bo‘ldi. Bu haqda okrug sherifi Robert Luna ABC telekompaniyasiga ma’lum qildi.
Kaliforniya o‘t o‘chirish xizmati ma’lumotlariga ko‘ra, Los-Anjelesdagi yong‘inlar umumiy maydoni 10 ming gektardan oshgan va tinmay o‘sib boryapti. Mingdan ziyod bino-inshoot olovda kul bo‘lgan. Hududdagi 930 mingdan ziyod iste’molchi elektrsiz qolgan.
AccuWeather konsultatsiya kompaniyasi Los-Anjelesdagi yong‘inlardan ko‘rilgan zarar va iqtisodiy yo‘qotishlar 52-57 mlrd dollarga yetishini hisoblab chiqdi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter