Ronaldu futboldan ketishni o‘ylamoqda — Teamtalk
Saudiya Arabistonining «An-Nasr» klubida to‘p surayotgan Krishtianu Ronaldu futbolchilik faoliyatini yakunlash haqida o‘ylamoqda. Bu haqda Teamtalk xabar berdi.
Manbaga ko‘ra, 39 yoshli forvard «An-Nasr» bilan amaldagi shartnomasi tugagach, professional faoliyatini yakunlaganini e’lon qilishi mumkin. Shuning barobarida, Ronaldu vataniga qaytib, so‘nggi shartnomasini portugal jamoalaridan biri bilan imzolash variantini ham ko‘rib chiqyapti, deyiladi xabarda.
Krishtianu Ronaldu «An-Nasr» safida 83 o‘yin o‘tkazib, 74 ta gol va 18 ta golli uzatma muallifi bo‘ldi. Uning jamoasi Saudiya Arabistoni chempionatida joriy mavsumda 25 ochko bilan to‘rtinchi o‘rinda bormoqda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter