2024 yilning 16 dekabr kuni Davlat rahbari raisligida bo‘lib o‘tgan yig‘ilishda bank xizmatlari orqali mahallalarda kambag‘allikni qisqartirish, aholi bandligini ta’minlash va daromadli qilishga qaratilgan ustuvor vazifalar belgilab berildi.

Bunda, 2025 yilda banklar tomonidan 3 milliondan ziyod, shundan «O‘zmilliybank» AJ tomonidan 500 ming nafar, shundan 203 mingta yangi ish o‘rinlarini yaratish hamda 297 mingta tadbirkorlikka jalb qilish hisobiga aholi bandligi ta’minlash rejalashtirilgan.

Ushbu maqsadlarda, bank tomonidan hududlarda «Mahallabay ishlash bo‘limlari» tashkil qilinib, 963 ta mahallalarda Bankning «mahalla bankiri» yuqoridan pastgacha 300 dan ziyod malakali hodimlardan iborat vertikal tizim yo‘lga qo‘yilib, aholi bilan uchrashuvlar o‘tkazish, ularni tadbirkorlikka jalb qilish va daromadlarini oshirish bo‘yicha ishlamoqda.

Prezidentimiz topshiriqlarining amalda hayotga tatbiq etilayotganini yaqqol ko‘rsatib turibdi. O‘zmilliybank esa bu tashabbusning birinchi ishtirokchisi sifatida mahalliy aholiga moliyaviy ko‘mak va xizmatlar taqdim qilishda yangicha yondashuvlarni namoyon etmoqda.

Bank tomonidan mahallalarda xizmatlar sohasida daromad keltiradigan 60 turdagi yangi biznes g‘oyalar bo‘yicha loyiha paketlari ishlab chiqildi (nbu.uz/uz/small-business/service-sector-development/).

Shu bilan birga, «Mahalla bankiri» mahallaning biznes imkoniyatlarini o‘rganadi, aholi g‘oyalarini loyihalarga aylantiradi, aholini kredit olish, qaytarish, tayyor biznes loyihalari bilan tanishtirib, ularni amalga oshirish ko‘nikmalari o‘rgatish hamda ularning mahsulotni sotishga o‘rgatadi.

Bundan tashqari, xonadonlarni yaxshi biladigan «Yordamchi-agentlar» tanlab olinib, odamlarni bank xizmatlariga qiziqtirish, aholini biznesga jalb qilish bo‘yicha ular bilan shartnomalar imzolanadi hamda jalb qilingan har bir yangi mijoz uchun pul to‘lanadi.

Shuningdek, davlat rahbari topshirig‘iga muvofiq, hokimlar mahallalar darajasida banklar bilan hamkorlikda ish olib boradi hamda hududlarda Sayxunobod, Uychi, Zarbdor va G‘ijduvon tajribasini kengaytirish bo‘yicha hamkorlik qiladi.