Россиянинг Украина орқали газ экспорти тўхтади
Россия Украина ҳудуди бўйлаб газ ўтказишни тўхтатди.
Россиянинг "Газпром" компанияси, кутилганидек, Москва вақти билан эрталаб соат 8:00 дан (Киев вақти билан 7:00, Лондон вақти билан 5:00) Украина орқали газ транзити тўхтатилганини тасдиқлади.
"Газпром" ўз матбуот баёнотида 1 январ куни эрта тонгда "Газпром"нинг Украинанинг "Нафтогаз" компаниялари ва Украинанинг газ узатиш тизими оператори билан 2019 йилда имзолаган газ транзити бўйича келишувлари муддати тугаганини эслатиб ўтади.
“Украина томони ушбу келишувларни узайтиришдан бош тортгани сабабли, “Газпром” 2025 йил 1 январдан бошлаб Украина ҳудуди орқали транзит учун газ етказиб бериш техник ва ҳуқуқий имкониятидан маҳрум бўлди. Москва вақти билан соат 8:00 дан бошлаб Россия газини Украина ҳудуди орқали ташиш учун етказиб бериш амалга оширилмаяпти”, — дейилади Россия компанияси матбуот хабарида.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter