Vaqt yetishmasligi yoki stress tufayli tez-tez nonushta qilishni o‘tkazib yuborish insult xavfini oshirishi mumkin va kechki soat 20:00 dan keyin taom iste’mol qilish yurak xuruji xavfini ko‘paytiradi. Kardiolog Kseniya Yeruslanova bu haqda ogohlantirdi.

Biroq, ro‘za tutish (yoki diyeta sabab ma’lum vaqt och yurish) yurak-qon tomir kasalliklari xavfini kamaytiradi. Buning sababi, tananing stress bilan bog‘liq bo‘lgan ochlik va ovqatdan bosh tortishga boshqacha munosabatda bo‘lishidir, buning uchun odam aqliy va jismonan tayyorlagan bo‘ladi.

Stress kortizol gormonini ishlab chiqarishga olib keladi. Bu yallig‘lanishning rivojlanishiga va aterosklerozning kuchayishiga yordam beradi. Ongli ro‘za bilan, aksincha, tanada aterosklerotik plaklarning shakllanishiga to‘sqinlik qiluvchi mexanizmlar faollashadi.

«Bundan tashqari, avtofagiya jarayoni boshlanadi - tanamiz hujayralarini shikastlangan komponentlar va toksinlardan tozalash, bu erkin radikal moddalarning faolligini kamaytirish va qarish jarayonini sekinlashtirishga yordam beradi», dedi shifokor.