Йўловчининг аҳволи ёмонлашгани учун Тошкентдан Москвага учган самолёт ортга қайтди
Бугун, сешанба куни Тошкентдан Москвага парвоз қилган Uzbekistan Airways самолёти йўловчилардан бирининг саломатлиги ёмонлашгани туфайли аэропортга қайтишга мажбур бўлди. Бу ҳақда РИА Новости авиакомпания матбуот хизматига асосланиб хабар берди.
«Парвоз пайти йўловчилардан бирининг аҳволи оғирлашгани сабабли экипаж самолётни аэропортга қайтаришга қарор қилди», — дейилади Uzbekistan Airways баёнотида.
Йўловчи Ўзбекистон фуқароси бўлган, унинг биринчи тез тиббий ёрдам кўрсатилиб, шифохонага олиб кетилган.
Шундан сўнг самолёт Тошкент вақти билан 7:35 да Москва томон учиб кетган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter