Европа Чемпионлар лигаси гуруҳ босқичининг учинчи турида Испаниянинг «Барселона» клуби Европа майдонларидаги энг ноқулай рақиби «Бавария» (Германия) устидан зафар қучди. «Олимпико» («Монжуик») стадионида ўтган ўйин 4:1 ҳисобида мезбонлар фойдасига якунланди.

Ҳисобни ўйиннинг 1-дақиқасидаёқ Рафиня очди. Ҳарри Кейин 18-дақиқада мувозанатни тиклади. Роберт Левандовски 36-дақиқада «Барселона»ни олдинга олиб чиқди. Рафиня 45-дақиқада дубл, 56-дақиқада ҳет-трикни расмийлаштирди.

Уч турдан сўнг «Барселона» олти очко, «Бавария» уч очко тўплади.

Тўртинчи турда 7 ноябрга ўтар кечаси «Барселона» меҳмонда «Црвена Звезда» билан куч синашса, «Бавария» ўз майдонида «Бенфика»ни қабул қилади.

Ушбу тўқнашувгача ўзаро ўйинлар статистикаси «Барселона» учун жуда ёмон эди. Каталонияликлар баварияликларга қарши 2015 йилдан бери ўтказилган 6 та учрашувнинг барчасида енгилишган (ўша аламли 2:8 ҳисобидаги мағлубият ҳам шунинг ичида). Ниҳоят нохуш анъанага нуқта қўйишни уддалашди.    

Чемпионлар лигаси кун якунлари. 23 октябр

Аталанта 0:0 Селтик

Брест 1:1 Байер

Атлетико 1:3 Лилл

Янг Бойз 0:1 Интер

Барселона 4:1 Бавария

РБ Залцбург 0:2 Динамо Загреб

Ман Сити 5:0 Спарта Прага

РБ Лейпциг 0:1 Ливерпул

Бенфика 1:3 Фейеноорд