Яқинда кутилаётган қор бўрони АҚШнинг 12 штатини қамраб олади ва 62 миллионга яқин одамга таъсир қилади, деб хабар қилмоқда CNN синоптикларга асосланиб. Кучли қор ёғиши кутилмоқда. Шамолнинг тезлиги соатига 65 кмга етиши мумкин.

Бўрон Буюк текисликлар ҳудудида ҳосил бўлади ва Америка Қўшма Штатларининг шарқий қирғоқларига етиб боради. Ҳодиса 6 январгача давом этиши мумкин. Энг кўп ёғингарчилик Миссури, Иллинойс, Индиана, Огайо ва Ғарбий Виржиния штатларида бўлиши мумкин. Мэриленд, Делавер ва Кентукки штатларида кучли совуқ об-ҳаво кутилмоқда.

Миссури штатининг Канзас-Сити шаҳрида 18 см дан ортиқ қор ёғиши кутилмоқда. Бу штатда январ ойи учун рекорд даражадаги ёғингарчилик. Индианаполисда ҳам 29 см дан ортиқ қор ёғиши кутилмоқда. Бўрон электр таъминотида муаммоларга олиб келиши мумкин. Виржиния штатида фавқулодда ҳолат эълон қилинди.

АҚШ жанубида ёмғир ёғиши ва момақалдироқ бўлиши мумкин. Торнадо ва тошқинларни истисно қилиб бўлмайди.