Зеленский Украина собиқ президентига қарши санкцияларни тасдиқлади
Украина Миллий хавфсизлик ва мудофаа кенгаши собиқ президент Пётр Порошенкога қарши шахсий санкциялар жорий қилди. Украина президенти Владимир Зеленский ўз фармони билан уларни тасдиқлади.
Улар активларни музлатиш, савдо операцияларини тақиқлаш, давлат мукофотларидан маҳрум қилиш ва бошқа чораларни назарда тутади (жами 17 та).
Шунингдек, тадбиркор Игор Коломойский ва унинг собиқ шериги Геннадий Боголюбов, тадбиркор ва собиқ депутат Константин Жеваго ва Россияда бўлган сиёсатчи Виктор Медведчукга нисбатан ҳам санкциялар жорий этилган.
«Биз мамлакатимизни ҳимоя қилмоқдамиз ва адолатни тиклаймиз: Украина миллий хавфсизлигини бузган ва Россияга ёрдам берган ҳар бир киши жавобгарликка тортилиши керак», деди Владимир Зеленский бир кун аввал санкцияларни эълон қилар экан.
Аввалроқ Порошенко санкциялар тайёрланаётганидан хабардор эканлигини маълум қилганди. У уларни сиёсий мотивли ва ноқонуний деб атади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter