Урушга уч йил тўлди: Зеленский можаро қачон тугашини истамоқда?
Киевда Европа Иттифоқи етакчилари билан қўшма матбуот анжумани чоғида норвегиялик журналист Владимир Зеленскийдан уч йиллик кенг кўламли урушдан сўнг Украина ва унинг халқидан қандай режалар борлигини сўради.
“Умид қиламизки, биз бу урушни уч йилдан кейин эмас, шу йил якунлай оламиз”, деб жавоб берди Украина раҳбари.
Унинг сўзларига кўра, қисқа муддатда Украинага Россия ҳужумларини олдини олиш учун хавфсизлик кафолатлари керак. Зеленский Украинанинг Европа Иттифоқи ва НАТОга қўшилиши бунга ёрдам бериши мумкинлигини айтди.
Журналистлар Зеленскийдан АҚШ президенти Доналд Трамп билан муносабатлари ҳақида ҳам сўрашган.
Зеленский АҚШ барча ҳамкорлар каби ёрдам беришда давом этишига умид қилишини айтди.
“Шунингдек, Европа ва АҚШ ўртасидаги бирликни йўқотмаслигимиз керак”, — дея қўшимча қилди у.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter