Farrux Rustamov «O‘zkomnazorat» rahbari etib tayinlandi
«O‘zkomnazorat» inspeksiyasiga rahbar tayinlandi. Bu haqda Raqamli texnologiyalar vazirligi xabar berdi.
Prezident qarori bilan Rustamov Farrux Shoruxovich Raqamli texnologiyalar vazirligi huzuridagi Axborotlashtirish va telekommunikatsiyalar sohasida nazorat inspeksiyasi boshlig‘i lavozimiga tayinlandi.
U 2022-yil aprelidan buyon inspeksiyaga rahbarlik qilib kelgan A’zam Abdullayev o‘rnini egalladi.
Farrux Rustamov 2024-yil yanvaridan buyon Uzmobile mobil operatori filiali direktori lavozimida ishlab kelayotgandi. Bundan tashqari, u Toshkent shahar telefon tarmog‘i Markaziy telefon aloqa markazi boshlig‘i, Toshkent shahar telefon tarmog‘i filiali direktori va boshqa lavozimlarda ishlagan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter