Braziliya prezidenti shoshilinch jarrohlik stoliga yotqizildi
Braziliya prezidenti Luis Inasiu Lula da Silva 10-dekabr kuni shoshilinch jarrohlik stoliga yotqizildi. Unga bosh chanog‘i ichki qon quyilishi tashxisi qo‘yilgan.
Prezident oktyabr oyida o‘z qarorgohida yiqilib tushganidan buyon uni bosh og‘rig‘i tinmay bezovta qilib kelgan. Ta’kidlanishicha, jarrohlik amaliyoti muvaffaqiyatli o‘tgan.
«79 yoshli Lula o‘zini yaxshi his etmoqda», — deya ma’lum qildi San-Pauludagi «Sirio-Libanes» shifoxonasi.
Navbatdagi jarrohlik amaliyoti bugun, 12-dekabrda o‘tkaziladi. Davolovchi shifokor Roberto Kalilaning aytishicha, qon ketishi xavfini kamaytirish uchun yangi amaliyot o‘tkazish zarur.
Ta’kidlanishicha, bu kutilgan va nisbatan oddiy operatsiya bo‘lib, taxminan bir soat ketadi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter