Молдовада президентлик сайловининг иккинчи босқичи бўлиб ўтмоқда. Бугун, 3 ноябрь куни маҳаллий вақт билан соат 7:00 да мамлакатда 2,2 мингдан ортиқ сайлов участкаси очилди, яна 231 таси хорижда фаолият юритмоқда. Овоз бериш маҳаллий вақт билан 21:00гача давом этади.

Амалдаги президент Майя Санду ва мамлакатнинг собиқ бош прокурори Александр Стояногло президентлик сайловларининг иккинчи босқичига йўлланма олди. Биринчи турда овоз бериш натижаларига кўра, номзодларнинг ҳеч бири 50 фоиздан кўп овоз олмаган. Биринчи турда Майя Санду 42,49%, жаноб Стояногло 25,95% овоз олган.

20 октябр куни бўлиб ўтган Молдовада президентлик сайловлари билан бир кунда республиканинг Европа Иттифоқига қўшилиши бўйича референдум бўлиб ўтди. Натижаларга кўра, сайловчиларнинг 50,35 фоизи Европа интеграциясини ёқлаган бўлса, 49,65 фоизи қарши чиққан. 31 октябрь куни мамлакат Конституциявий суди референдум натижаларини тасдиқлади. Мухолифат овоз бериш натижаларини тан олмаслик учун апелляция берди.