iPhone 17 Pro Max олдинги флагманга нисбатан «семизроқ» бўлади
Хитойлик таниқли инсайдер Ice Universe ёзишича, Apple компаниясининг янги флагмани — iPhone 17 Pro Max корпуси олдинги авлод смартфони (iPhone 16 Pro Max)га қараганда қалинроқ бўлади. Инсайдернинг фикрича, бу смартфон батареяси сиғимининг оширилиши билан боғлиқ.
Ice Universe келтирган маълумотга кўра, iPhone 17 Pro Max қалинлиги — 8,725 мм. Солиштириш учун: iPhone 16 Pro Maxда бу кўрсаткич — 8,25 мм. Смартфон корпусининг қолган ўлчамлари iPhone 16 Pro Max билан бир хил.
Шу пайтгача интернетда iPhone 17 Pro Maxнинг муқобил ишлаш даври узайиши ёки унинг ўлчамлари ўзгариши ҳақида биронта хабар тарқалмаганди. Инсайдернинг маълумотлари тасдиғини топса, Apple флагманлари туркумида янги ва кутилмаган ўзгаришга гувоҳ бўламиз.
Ice Universe қўшимча қилишича, iPhone 17 Pro Max, корпусининг қалинлигини ҳисобга олмаганда, мутлақо янги ултраюпқа iPhone 17 Air билан барча ўлчамлар бўйича мос келади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter