Бектемир Мелиқўзиевнинг навбатдаги жанги санаси маълум бўлди
Жорий йил 2 ноябрь куни АҚШнинг Лас-Вегас шаҳридаги «Theatre at Virgin Hotels» мажмуасида Golden Boy промоутерлик компанияси ўзининг навбатдаги профессионал бокс оқшомини ўтказади.
Ушбу оқшомда мазкур компания билан ҳамкорлик қилувчи ягона ўзбекистонлик боксчи — Бектемир Мелиқўзиев ҳам рингга кўтарилади. Ўша куни Бектемирга америкалик Дэвид Стивенс рақиблик қилади.
Оқшомнинг марказий жанги эса Флойд Скофилд ва Рене Теллес ўртасида кечади.
Маълумот учун, айни пайтда Бектемир Мелиқўзиев ҳамда унинг бўлажак рақиби Дэвид Стивенснинг ҳисобида 14 тадан ғалаба ва 1 тадан мағлубият бор. Яъни, уларнинг статистикалари бир хил.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter