Ўн минглаб одамлар АҚШ президенти Доналд Трамп сиёсатига норозилик билдириш учун Америка пойтахти кўчаларига чиқди.

Намойишчилар “Ҳали буюк эмас” ва “Демократиядан қўлингни торт” каби шиорлар ёзилган баннерларни кўтаришган.

Намойишчилар Вашингтон ёдгорлиги олдида тўпланишди. Пойтахтдан ташқари Американинг мингдан ортиқ шаҳарларида ҳам норозилик намойишлари бўлиб ўтмоқда. Намойишлар АҚШ ҳукумати самарадорлиги департаменти раҳбари Илон Маскка ҳам қарши қаратилган. 

Чикаго университети (NORC) сўровига кўра, америкаликларнинг атиги 40 фоизи янги президентнинг иқтисодий сиёсатини қўллаб-қувватлайди. Бу Доналд Трампнинг 2017 йилдан буён энг паст қўллаб-қувватлашдир. Трампнинг умумий маъқуллаш рейтинги ҳам АҚШнинг 46-президенти Жо Байден ўз ваколати бошида турганидан ҳам пастроқ.

Эслатиб ўтамиз, ўтган ҳафтада Трамп қатор давлатларга, жумладан Ўзбекистон маҳсулотларига ҳам бож киритди. Умумий ҳисобда 180 дан ошиқ давлат маҳсулотларига божлар киритилди.