Хитойда 17 болани ўғирлаган аёл ўлимга ҳукм қилинди
Хитой Халқ суди 17 нафар болани ўғирлаб сотишда айбланган аёлни ўлимга ҳукм қилди. Бу ҳақда NetEase янгиликлар агентлиги хабар берди.
Ўлимга ҳукм қилинган Юй Хуайин Гуйчжоу провинциясида вояга етмаганларни ўғирлаш ва сотишда бош айбдор деб топилган. Судда маълум қилинишича, аёлнинг жиноий хатти-ҳаракатлари оқибатида 12 оила барбод бўлган. Болалари ўғирланган айрим ота-оналар қаттиқ қайғуга ботиб вафот этган.
Жиноий занжирга асос солган аёл бир неча йил давомида болаларни ўғирлаш билан шуғулланиб келган. Ўғирланган болалар, уларнинг биологик ота-оналари, бу болаларни сотиб олган оилаларнинг ДНК-тестлари солиштирилиб, Юй Хуайиннинг айби бўйнига қўйилди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter