Россия ҳукумати бугун истеъфога чиқади
Михаил Мишустин.
Михаил Мишустин бошчилигидаги Россия ҳукумати бугун, 7 май куни Владимир Путиннинг инаугурациясидан сўнг истеъфога чиқади. Президент расман вазифасини бажаришга киришиши билан, Вазирлар маҳкамаси ваколатларини топширади.
Янги ҳукумат 2020 йилда конституцияга киритилган ўзгартиришлар асосида шакллантирилади. Янги қоидаларга мувофиқ, президент бош вазирни унинг номзоди Давлат думаси томонидан тасдиқланганидан сўнг тайинлайди. Агар таклиф этилган номзод дума томонидан уч марта қайтарилса, президент қонун чиқарувчи органни тарқатиб юбориб, янги сайловлар ўтказилишини белгилайди, бош вазирни эса ўзи тайинлайди.
Хабар берилишича, Владимир Путин инаугурация арафасида Вазирлар маҳкамаси билан якуний учрашув ўтказган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter