Islandiya prezidentining qarorgohiga istagan odam kirishi mumkin
Bessastadir.
Islandiya prezidentining qarorgohi — Bessastadir eshiklari barcha xohlovchilar uchun ochildi. Bu yerga 7 fevraldan boshlab mahalliy vaqt bilan soat 18:00 dan 22:00 ga qadar kirish mumkin, deb xabar berdi RÚV milliy radiokanali.
«Muzeylar oqshomi» qishki festivali doirasida Islandiya prezidenti Halla Tomasdottir o‘z qarorgohida mehmonlarni shaxsan kutib oladi, uning yordamchilari tashrif buyuruvchilarni qiziqtirgan savollarga javob berishadi.
Mehmonlar yangi kutubxona va qabullar zali bilan tanishishadi. Bu yerda island rassomlarining ijod namunalari, mamlakat prezidentlari olgan sovg‘alar hamda Bessastadirdagi arxeologik qazilmalar paytida topilgan osoriatiqalar saqlanadi.
Agar ob-havo yaxshi bo‘lsa, qarorgohning ichki hovlisida mamlakatning birinchi prezidenti Sveyn Byornssonga xizmat qilgan Packard avtomobili bilan ham tanishish mumkin bo‘ladi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter