«Equinox» o‘g‘rilari «Qamchiq» dovonida to‘xtatib qolindi
Toshkent shahridan olib qochilgan «Equinox» avtomobili «Qamchiq» dovonida YPX xodimlari tomonidan ushlandi. Bu haqda IIBB YHXBB xabar berdi.
25-sentyabr kuni fuqaro G‘.O. o‘z boshqaruvida bo‘lgan «Equinox» rusumli avtomobili qoldirilgan joyida yo‘qligi yuzasidan «102» tizimiga xabar bergan. Kelib tushgan xabarga ko‘ra, IIV JXD YHXX Navbatchilik qismi tomonidan «To‘sib ushlash» rejasi e’lon qilingan.
IIV JXD YHXX «Qamchiq» dovoni bo‘yicha YPX otryadi xodimlari tomonidan ko‘rilgan chora-tadbirlar natijasida ushbu avtomobil va uni olib qochgan shaxs, 1990-yilda tug‘ilgan Z.M. «Namangan» YPX maskanida ushlangan.
Mazkur holat yuzasidan tegishli hujjatlar rasmiylashtirilib, transport vositasi hamda uni olib qochgan shaxs va uning yo‘lovchisi Toshkent shahar, Mirobod tumani IIO FMB xodimlariga topshirilgan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter