Bugun Rossiyadagi eng katta iftorlik o‘tkaziladi
Bugun, 19-mart kuni Qozon shahrida Rossiyadagi eng katta Ramazon iftorligi o‘tkaziladi. Bu haqda Tatariston musulmonlari diniy boshqarmasi raisi, muftiy Kamil Samigullin RIA Novostiga ma’lum qildi.
Uning aytishicha, Rossiyadagi eng katta iftorlik «Qozon Ekspo» maydonida bo‘lib o‘tadi. Unda din, jamoat, madaniyat va davlat arboblari, jami 13 ming kishi qatnashishi kutilmoqda. Tadbirni o‘tkazishga 800 nafar ko‘ngilli jalb etilgan, ularning eng kichigi — 15, eng yoshi ulug‘i — 70 yoshda.
Muftiy aniqlik kiritishicha, iftorda barcha istovchilar qatnashishi mumkin.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter