Sizni, 2025-yil 4-aprel kuni soat 10:00da Toshkent shahri, Tepamasjid ko‘chasi, 4-uy manzilida shu jumladan masofadan turib elektron ovoz berish xizmati http://evote.uz platformasi orqali bo‘lib o‘tadigan  “ALSKOM SUG‘URTA KOMPANIYASI” AJ aksiyadorlarining navbatdan tashqari umumiy yig‘ilishiga taklif etamiz.

Yig‘ilish qatnashchilarini ro‘yxatga olish 2025-yil 4-aprel soat 9:00da boshlanib, 10:00da to‘xtatiladi.

• Aksiyadorlarning navbatdan tashqari umumiy yig‘ilishini o‘tkazish to‘g‘risida xabardor qilish sanasi: 2025-yil 12-mart;
• Aksiyadorlarning navbatdan tashqari umumiy yig‘ilishida qatnashish uchun aksiyadorlar reyestri sanasi: 2025-yil 31-mart.

YIG‘ILISh KUN TARTIBIGA KIRITILGAN MASALALAR:

1. Aksiyadorlarning navbatdan tashqari umumiy yig‘ilishini o‘tkazish reglamentini va sanoq komissiyasini tasdiqlash.
2. Jamiyat aksiyalarini maydalash va yangi aksiyalarni chiqarish shartlarini belgilash.
3. Jamiyatning e’lon qilingan aksiyalarning eng ko‘p miqdorini belgilash.
4. Jamiyatning yangi tahrirdagi Ustavini tasdiqlash.
5. “ALSKOM SUG‘URTA KOMPANIYASI” aksiyadorlik jamiyati Ijroiya organi, Kuzatuv kengashi a’zolarini va mehnat jamoasini moddiy rag‘batlantirish Tartibining yangi tahririni tasdiqlash.
6. Jamiyatning 2025-yil 1-chorak hamda 2025-yil yakunlari bo‘yicha moliya-xo‘jalik faoliyatini milliy va xalqaro standartlar bo‘yicha auditorlik tekshiruvidan o‘tkazish uchun auditorlik tashkilotini va uning xizmatlariga to‘lanadigan eng ko‘p haq miqdorini belgilash va u bilan shartnoma tuzish.

Aksiyadorlarning navbatdan tashqari umumiy yig‘ilishiga oid hujjatlar hamda kun tartibiga kiritilgan masalalar yuzasidan tayyorlangan ma’lumotlar bilan Kompaniyaning www.alskom.uz korporativ veb-sayti, http://evote.uz elektron sahifasi orqali tanishishingiz yoki Toshkent shahri, Tepamasjid ko‘chasi, 4-uy manziliga yoki info@alskom.uz elektron manziliga so‘rov yuborishingiz mumkin.

Ma’lumot uchun telefon: (71) 201-11-00.

«ALSKOM SUG‘URTA KOMPANIYASI» AJ
Kuzatuv Kengashi