Yil boshida san’atdan ketishini va O‘zbekiston prezidentligiga nomzodini qo‘yishni rejalashtirgani haqida e’lon qilgan taniqli estrada xonandasi Jahongir Otajonov siyosatdan ketishini e’lon qildi, deb xabar bermoqda «Gazeta.uz»

«Men siyosatga aralashmaganimga 15 kun bo‘ldi. Onam xursand. 15 kun davomida men siyosiy mavzuda hech qanday eshittirishlar qilmadim. Har bir eshittirishdan keyin onamning umri besh yilga qisqargan. Ota-onamning ko‘z yoshlari har kuni menga juda qimmatga tushdi. Shunday ekan, ertaga men prezident bo‘lsam ham, ularga biron narsa bo‘lsa ham, ko‘nglim to‘lmaydi. Butun jamoatchilikdan uzr so‘rayman. Hozircha siyosatdan chetga chiqaman», — dedi Jahongir Otajonov Instagram sahifasida.

U partiyadoshlaridan uzr so‘radi va so‘nggi olti oy davomida «onamni ishontirishga urindim, ammo bu muvaffaqiyatsiz bo‘ldi», deya qo‘shimcha qildi. U bundan keyin ham xonandalikni davom ettirishini ma’lum qildi va shu yil onasi sharafiga konsert dasturi tashkil etishni rejalashtirgani haqida e’lon qildi.

Yanvar oyida qo‘shiqchilikni tark etganligini e’lon qilgan sobiq xonanda Jahongir Otajonov prezidentlik saylovlarida qatnashish istagi borligini ma’lum qilgandi.

Yaqinda IIBB Jahongir Otajonovning «nomaqbul chiqishlari»ga javob qaytargandi.