Bugun, 27 dekabr kuni tunda Toshkent shahrining uchta tumanida yo‘l-transport hodisalari yuz berdi.

Soat 00:40 larda Uchtepa tumani TXAY ko‘chasida, 1999 yilda tug‘ilgan haydovchi N.K. Tracker rusumli avtomashinasini boshqarib ketayotib, rul boshqaruvini yo‘qotib, yo‘lni ajratib turuvchi beton to‘siqqa va beton sim yog‘ochga to‘qnashishi oqibatida avariya sodir etgan.

Hodisa natijasida haydovchi birinchi tez tibbiy yordam ko‘rsatish maqsadida shifoxonaga olib ketilgan.

Soat 00:45 larda Olmazor tumani, Beruniy ko‘chasida to‘rtta mashina — Malibu-2, Cobalt, BMW  va Matiz rusumli transport vositalari o‘zaro to‘qnashgan.

YTH natijasida BMW rusumli avtomashina yo‘lovchisi, 1992 yilda tug‘ilgan F.A ga  tez yordam xodimlari tomonidan birinchi tez tibbiy yordam ko‘rsatilgan. 

Soat 01:10 larda Mirzo Ulug‘bek tumani Oltintepa ko‘chasida, 2004 yilda tug‘ilgan haydovchi D.A. boshqaruvidagi Nexia-3 hamda 1979 yilda tug‘ilgan haydovchi boshqaruvida bo‘lgan Captiva rusumli avtomashinalari to‘qnashuvi natijasida YTH sodir bo‘lgan.

YTH natijasida Nexia-3 rusumli avtomashina haydovchisi shifoxonaga olib ketilgan.

Hodisalar yuzasidan Toshkent shahar IIBB YHXB mas’ul xodimlari tomonidan surishtiruv ishlari olib borilmoqda.