Марказий сайлов комиссияси президент сайловида номзодлар қанчадан овоз олгани ҳақидаги рақамлар статистикасини эълон қилди.

Қайд этилишича, Ўзбекистон Республикаси бўйича сайловчиларнинг умумий сони – 20 миллион 158 минг 907 нафар.

Округ сайлов комиссияларига юборилган сайлов бюллетенларининг умумий сони – 20 миллион 259 минг 701 та.

Сайлов бюллетенларини олган сайловчилар сони – 16 миллион 212 минг 343 нафар.

Фойдаланилмаган ва бузиб қўйилиб, бекор қилинган сайлов бюллетенларининг умумий сони – 4 миллион 47 минг 358 та.

Овоз беришда иштирок этган сайловчиларнинг умумий сони – 16 миллион 212 минг 343 нафар бўлиб, шундан муддатидан олдин овоз беришда иштирок этганлар 421 минг 176 нафарни ташкил этди.

Кимга қанча овоз берилди?

Ўзбекистон «Адолат» социал-демократик партиясидан номзод Абдуҳалимов Баҳром Абдураҳимовичга – 549 минг 766 нафар ёки овоз беришда иштирок этган сайловчиларнинг 3,39 фоизи;

Тадбиркорлар ва ишбилармонлар ҳаракати – Ўзбекистон Либерал-демократик партиясидан номзод Мирзиёев Шавкат Миромоновичга – 12 миллион 988 минг 964 нафар ёки овоз беришда иштирок этган сайловчиларнинг 80,12 фоизи;

Ўзбекистон Экологик партиясидан номзод Обломурадов Нарзулло Наимовичга – 670 минг 641 нафар ёки овоз беришда иштирок этган сайловчиларнинг 4,14 фоизи;

Ўзбекистон «Миллий тикланиш» демократик партиясидан номзод Қодиров Алишер Келдиевичга – 888 минг 515 нафар ёки овоз беришда иштирок этган сайловчиларнинг 5,48 фоизи;

Ўзбекистон Халқ демократик партиясидан номзод Ворисова Мақсуда Азизовнага – 1 миллион 75 минг 16 нафар ёки овоз беришда иштирок этган сайловчиларнинг 6,63 фоизи ёқлаб овоз берган.

Ҳақиқий эмас деб топилган сайлов бюллетенларининг сони – 39 минг 443 тани ёки 0,24 фоизни ташкил қилди.