Интернетда Олмаота аэропортида пичоқ билан қуролланган эркак аэропорт ходимасини гаровга олгани акс этган видео пайдо бўлди. Воқеа 7 март куни соат 11:45 атрофида ички терминалда содир бўлган.

Аэропорт маъмурияти маълумотларига кўра, эркак ўзини йўловчи сифатида кўрсатиб, парвоз олдидан хавфсизлик зонасига яқинлашган. Ходимлар унинг ҳужжатларини кўрсатишни сўрашганида, у тўсатдан хавфсизлик ходимини ушлаб, пичоқ билан қўрқита бошлаган.

7 дақиқадан сўнг эркак полиция ва авиация хавфсизлиги ходимлари томонидан қуролсизлантирилди. Ҳозирда у ҳибсга олинган ва фавқулодда вазиятнинг сабаблари ҳуқуқ-тартибот идоралари томонидан ўрганилмоқда.

Кадрларда жигарранг футболкадаги эркак ҳужумчи билан суҳбатлашаётгани акс этган. ОАВда айтилишича, у аэропорт ходими ўрнига ўзини гаровга олишни таклиф қилган. Кейинчалик, эркак қатъият кўрсатган ва жиноятчини қуролсизлантирган.

Олмаота аэропортида гаровга олинган шахс билан боғлиқ вазият ҳақида маълумот берилганидан сўнг мамлакат президенти Тўқаев жиноятчини зарарсизлантиришда жасорат кўрсатган фуқарони давлат мукофотига тавсия қилган.

Жиноятчини зарарсизлантирган қаҳрамоннинг исми аллақачон маҳаллий ОАВларда пайдо бўлган: у 52 ёшли Мусо Абдраим бўлиб чиқди.