Эрон яқин кунларда Исроилга «ҳалокатли зарбалар» бермоқчи
Эрон тез кунларда Исроил ҳудуди бўйлаб жавоб зарбаларини беради. ТАСС хабарига кўра, Ислом инқилоби қўриқчилари корпуси қўмондони ўринбосари Муҳаммад Ризо Нагдий шундай баёнот берди.
Таъкидланишича, Эрон яқин кунларда Исроил бўйлаб «янада ҳалокатли зарбалар» беради.
Эслатиб ўтамиз, 26 октябрга ўтар кечаси Исроил Эронга ҳужум уюштирди. Axios нашри ёзишича, зарбалар оқибатида баллистик ракеталар учун муҳим бутловчи қисмлар, шунингдек, Эрон қаттиқ ёқилғи тайёрлаш учун хориждан келтирадиган айрим аралашмалар йўқ қилинган.
Sky News Arabia нашри хабарига кўра, исроилликлар Эрон ўз ракеталари салоҳиятини тиклаши учун бир йил кетади деб ҳисоблашмоқда. Форслар эса Исроил зарбалари Эроннинг ҳарбий салоҳиятига дахл қилмаганини таъкидлашмоқда.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter