Eron yaqin kunlarda Isroilga «halokatli zarbalar» bermoqchi
Eron tez kunlarda Isroil hududi bo‘ylab javob zarbalarini beradi. TASS xabariga ko‘ra, Islom inqilobi qo‘riqchilari korpusi qo‘mondoni o‘rinbosari Muhammad Rizo Nagdiy shunday bayonot berdi.
Ta’kidlanishicha, Eron yaqin kunlarda Isroil bo‘ylab «yanada halokatli zarbalar» beradi.
Eslatib o‘tamiz, 26-oktyabrga o‘tar kechasi Isroil Eronga hujum uyushtirdi. Axios nashri yozishicha, zarbalar oqibatida ballistik raketalar uchun muhim butlovchi qismlar, shuningdek, Eron qattiq yoqilg‘i tayyorlash uchun xorijdan keltiradigan ayrim aralashmalar yo‘q qilingan.
Sky News Arabia nashri xabariga ko‘ra, isroilliklar Eron o‘z raketalari salohiyatini tiklashi uchun bir yil ketadi deb hisoblashmoqda. Forslar esa Isroil zarbalari Eronning harbiy salohiyatiga daxl qilmaganini ta’kidlashmoqda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter