Бугунги кунимизни қадоқланган ичимлик сувисиз тасаввур қилиш қийин. Деярли ҳар куни уни истеъмол қиламиз.

Мана шу сув қандай тайёрланишини ўрганиш мақсадида «Navruz International Corp.» МЧЖ ва «CRPT TURON» ҳамкорлигида «Montella» сув ишлаб чиқариш корхонасига пресс-тур ташкил қилди.

Тадбирда Ўзбекистоннинг етакчи оммавий ахборот воситалари, шунингдек, «CRPT TURON» маркировкалаш тизимининг миллий оператори вакиллари иштирок этди.

Пресс-тур доирасида иштирокчилар компания тарихи, унинг ишлаб чиқариш ютуқлари, шунингдек, рақамли маркировка каби замонавий технологияларни жорий этиш билан танишдилар. Иштирокчилар маркировка ҳар бир маҳсулотни ишлаб чиқаришдан дўкон расталаригача бўлган барча босқичларда назорат қилиш имконини беришини билиб олдилар. Ушбу технология контрафактга қарши курашишга ёрдам беради, маҳсулотлар сифатини кафолатлайди ва истеъмолчилар манфаатларини ҳимоя қилади.

«CRPT TURON» мутахассислари ва ишлаб чиқарувчининг вакили Data Matrix кодларини қўллашнинг асосий талаблари ва хусусиятлари, шунингдек, кодларнинг тузилиши ҳақида сўзлаб беришди. Asl Belgisi мобил иловаси ёрдамида меҳмонларга маҳсулотнинг ҳақиқийлиги ва сифат стандартларига мувофиқлигини қандай текшириш кераклиги кўрсатилди.

Муҳбирлар ўзларини қизиқтирган саволларга батафсил жавоб олишди ва маркировка жараёнини бевосита кузатишди.

Ўзбекистонда 2024 йил 1 мартдан «Сув ва салқин ичимликлар» тоифасини мажбурий маркировкалаш бошланди. Ушбу тоифани маркировкалаш қоидалари ва босқичма-босқичлиги Ўзбекистон Республикаси Вазирлар Маҳкамасининг 2022 йил 1 ноябрдаги «Сув ва салқин ичимликларни мажбурий рақамли маркировкалаш тизимини жорий этиш тўғрисида»ги 631-сон қарори билан тасдиқланган.

«CRPT TURON» МЧЖ - Asl Belgisi рақамли маркировкалаш миллий ахборот тизими оператори ҳисобланади. Пресс-тур давомида тизимнинг асосий тамойили - истеъмолчилар олдидаги ҳалоллик экани таъкидланди.

Asl Belgisi негизида:

- Икки компонент бирлашмаси - маркировкалашнинг рақамли ечими ва жамоатчилик назорати воситаси;

- Ишлаб чиқариш ва логистикадан тортиб савдони кузатишгача бўлган барча жараёнларнинг шаффофлиги;

- Рақамли маркировка қилинадиган маҳсулотлар рўйхатига қуйидагилар киради: тамаки маҳсулотлари, алкогол маҳсулотлари, дори воситалари, сув ва салқин ичимликлар, маиший техника ва электроника;

- Онлайн кассаларнинг мавжудлиги - чакана савдо тўғрисидаги маълумотлар маркировка тизими маълумотлари билан синхронлаштирилади, ноқонуний товарни сотишга йўл қўйилмайди;

- Истеъмолчи кўмаги - смартфонида Asl Belgisi иловаси ўрнатилган ҳар қандай шахс товарнинг қонунийлигини текшириши мумкинлиги ётади.

Иловадан фойдаланиш жуда қулай - ундаги Data Matrix рақамли кодини сканерлаш кифоя ва натижалар дарҳол келиб чиқади.

Рақамли маркировканинг ишлаб чиқарувчи учун афзалликлари:

1. Брендни ҳимоя қилиш:

- Қалбаки маҳсулотларни олдини олади.
- Истеъмолчиларнинг бренд сифати ва ҳақиқийлигига бўлган ишончини мустаҳкамлайди.

2. Бизнес жараёнларини оптималлаштириш:

- Маҳсулот ҳаракатини ҳисобга олади ва назорат қилишни соддалаштиради.
- Инвентаризация ва логистика жараёнларини автоматлаштиради.

3. Бозордаги мавқеини яхшилаш:

- Қонун ҳужжатлари талабларига мувофиқлиги туфайли расмий савдо каналларига чиқилади.
- Таъминот занжирининг шаффофлиги ҳисобига рақобатбардошлик ошади.

4. Истеъмолчи билан бевосита алоқа:

- Дата Матрих кодлари орқали мижозларни маҳсулот хусусиятлари ҳақида хабардор қилиш имконияти пайдо бўлади.

5. Давлат томонидан қўллаб-қувватлашда иштирок этиш:

- Бозорда ишлаш, шу жумладан экспорт қилиш учун талабларга мувофиқлик.
- Рақамли технологияларни жорий этишда имтиёз ёки субсидиялар олиш имконияти.

6. Обрўни ошириш:

- Замонавий сифат ва хавфсизлик стандартларига содиқлик намойиш этилади.
- Масъул ишлаб чиқарувчи имиджи мустаҳкамланади.

Истеъмолчилар учун афзалликлар:

- Мобил илова орқали товарнинг ҳақиқийлигини текшириш имконияти пайдо бўлади.
- Контрафакт сотиб олиш хавфи камаяди.
- Маҳсулотнинг таркиби, келиб чиқиши ва яроқлилик муддати ҳақида тўлиқ маълумотга эга бўлиш мумкин.

Маълумот учун:

«Navro‘z International Corp.» компанияси 2003 йил март ойида ташкил этилган бўлиб, ўз фаолиятини Ўзбекистон бозоридаги илк брендлардан бири бўлган «Aqua» шишали сув ишлаб чиқаришдан бошлаган. 2009 йилдан 2010 йилгача янги линиялар ишга туширилди: «Ays» бренди остида қадоқланган чой, «Ekzo» шарбатли ичимлиги ва «Montella» суви.

2013 йилда ассортимент «Frutto» мевали ичимликлари билан тўлдирилди ва 2014 йилда бозорда «Kvas Xlebniy» пайдо бўлди. 2015 йил муҳим босқич бўлди: техник модернизация туфайли «18+» энергетик ичимлиги ва тунука қадоқда кучли газланган «RG Colla» ичимлигини ишлаб чиқариш бошланди. Ўша йили ушбу форматда янгиланган «Ays» чойи тақдим этилди, у сотув бўйича етакчиларда мустаҳкам ўрнашиб олди.