Эркин Муҳитдинов янги лавозимга тайинланди
Экология вазирлиги ҳузуридаги Ўрмон хўжалиги агентлигига Муҳитдинов Эркин Мадорбекович вақтинча директор вазифасини бажарувчи этиб тайинланди.
Эркин Муҳитдинов турли йилларда турли банкларда ишлаган, 2017 йил июнида бандлик ва меҳнат муносабатлари вазирининг биринчи ўринбосари бўлганди. 2023 йил августида Тошкент вилояти Оҳангарон тумани ҳокими, 2024 йил майида Тошкент вилояти ҳокимининг биринчи ўринбосари лавозимига тайинланган. Бироқ беш ойдан кейин фаолиятидаги камчиликлар ва соҳадаги ишлар қониқарсиз олиб борилаётгани учун лавозимидан олинган.
Ҳозирга қадар Экология вазирлигининг Ўрмон, биохилмахиллик ва экотуризм сиёсатини юритиш департаменти бошлиғи лавозимида ишлаётган эди.
Эслатиб ўтамиз, ушбу тайинловга қадар ўрмон хўжалиги соҳасини узоқ йиллардан буён Низомиддин Бакиров бошқариб келаётган эди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter