Трампнинг ҳаракати Зеленскийнинг норозилигига сабаб бўлди
Украина президенти Владимир Зеленский агар тинчлик музокаралари Киев ва Европа давлатларининг иштирокисиз ўтказилса, натижаларини қабул қилмаслигини айтди.
Трамп ва Путин ўртасидаги яқинда бўлиб ўтган суҳбатга изоҳ берар экан, у АҚШ етакчисининг аввалига Москва билан боғланиб, кейингина унга қўнғироқ қилганидан хафа бўлганини тан олди.
"Мен у биринчи навбатда Россия билан гаплашганини устувор деб билмайман. Бу унчалик ёқимли эмас", дея таъкидлади Зеленский.
Сиёсатчининг қўшимча қилишича, у икки томонлама тинчлик музокаралари Киев ва унинг европалик ҳамкорлари иштирокисиз ўтадиган бўлса, уни қабул қилмоқчи эмас. Унинг фикрича, Украинага оид ҳеч қандай масала мамлакатсиз муҳокама қилинмаслиги керак.
Трамп билан суҳбат чоғида Зеленский Украина учун хавфсизлик кафолатларини сўради.
" Хавфсизлик кафолатлари, албатта, биз учун устувор вазифадир. Ва биз АҚШсиз ҳеч қандай кафолатни кўрмаяпмиз", деди Владимир Зеленский.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter