JPMorgan: АҚШ иқтисодиётининг рецессияга учраш эҳтимоли — 60 фоиз
Жаҳондаги йирик банклардан бири — JPMorgan АҚШ иқтисодиётида рецессия (ўсиш пасайиши) эҳтимолини 60 фоиз дея баҳолаб, буни Доналд Трамп маъмурияти ўрнатган янги савдо тарифлари билан боғлади. Бу ҳақда банк бош иқтисодчиси Брюс Касманга асосланиб Bloomberg хабар берди.
АҚШ импорт учун жорий этган божлар, агар улар бекор қилинмас экан, нафақат АҚШ, балки жаҳон иқтисодиётида ҳам пасайишга олиб келиши мумкин. Жаҳон инқирози юз бериши эҳтимоли бир йил ичида 40 фоиздан 60 фоизга ўсди, бу халқаро савдода ўсиб бораётган зиддиятни акс эттиради, деди Касман.
«Тарифлар домино эффектини келтириб чиқаради. Агарда Вашингтон сиёсати сақланиб қолса, бу таъминот занжири ва инвестициялар учун зарба бўлади», — дея ўз сўзларини изоҳлади JPMorgan вакили.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter