АҚШда маҳсулотларга талаб пасайиши оқибатида, бу мамлакатга экспорт билан шуғулланувчилар келгуси икки йилда қарийб $600 млрд йўқотиши мумкин. Бу ҳақда «Эйлер Таҳлил технологиялари» глобал активлар бўйича эксперти Барри Эрлих РИА Новости билан суҳбатда маълум қилди.

Эслатиб ўтамиз, Доналд Трамп 2 апрел куни 180 дан ортиқ мамлакат импорти учун божларнинг янги тизимини тақдим этди. Асосий ставка 10 фоиздан бошланади, айрим мамлакатлар учун эса анча юқори фоизлар қўлланилади: масалан, Хитой — 34 фоиз, Вьетнам — 46 фоиз, Европа Иттифоқи — 20 фоиз бож тўлайди.

Эрлихнинг айтишича, икки йил давомида АҚШ қайта ишлаш саноати қуввати 4 фоиз ўсиб, 82 фоизгача етади.

«Биз шунингдек нархлар юқорилаши сабабли америкаликлар томонидан истеъмол қисқаришини ҳам кутяпмиз, бу эса АҚШга импорт умумий ҳолатига ва бу мамлакатга жаҳон экспортига 600 млрд доллар кўринишида салбий оқибатларга олиб келади», — деди эксперт.

Шу тариқа, 2024 йилда $3,3 трлн бўлган АҚШ импорти ҳажми 18 фоизга қисқариши мумкин.

Таҳлилчига кўра, АҚШ ЯИМ ўсиш суръати 2025-2026 йилларда 0,3 фоизга камаяди.