Klinton, Bush va Obama Trampning inauguratsiya tushligiga kelmaydi
AQShning sobiq prezidentlari — Bill Klinton, Jorj Bush (kichik) va Barak Obama 20-yanvar kuni Donald Trampning inauguratsiya tushligida qatnashmaydi. Bu haqda NBC xabar berdi.
Obama va Klinton taklifnoma olgan, Bushning vakillari taklifnomani ko‘rmadik, deyishyapti. Inauguratsiya tushligiga sobiq birinchi xonim va davlat kotibi (qolaversa, Trampning 2016-yilgi saylovdagi raqibi) Hillari Klinton ham taklif etilgan, ammo u marosimga kelmoqchi emas, dedi manbalardan biri.
Shunisi aniqki, yuqoridagi uch sobiq prezident Trampning qasamyod qilish marosimida qatnashadi.
AQShning saylangan prezidenti 2025-yilning 20-yanvaridan rasman lavozimini bajarishga kirishadi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter