Vengriya Xalqaro jinoiy sud tarkibidan chiqadi
Vengriya Xalqaro jinoiy sud tarkibidan chiqadi. Bu haqda Vengriya Bosh vaziri Viktor Orban idorasi rahbari Gergey Guyashga tayanib MTI axborot agentligi ma’lum qildi.
Bu qaror XJS Falastindagi jinoyatlari uchun hibsga olish haqida order bergan Isroil Bosh vaziri Binyamin Netanyaxuning Vengriyaga tashrifi fonida qabul qilindi.
Vengriya 1999-yilda XJSning ta’sis hujjati (Rim statuti)ni imzolagan va uni 2001-yilda ratifikatsiya qilgan. Vengriyaning XJSdan chiqishi jarayoni, Reuters agentligining qayd etishicha, tegishli qonun loyihasi mamlakat parlamenti tomonidan qabul qilinganidan keyin bir yil davom etadi.
Eslatib o‘tamiz, XJS Netanyahuni hibsga olish haqida qaror qabul qilganidan bir kun o‘tib, Viktor Orban uni Vengriyaga taklif qilgan va Budapesht isroillik siyosatchini hibsga olmasligini hamda sud qarorini «bema’ni va mutlaqo qabul qilib bo‘lmas»ligini aytib chiqqan edi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter