Dzyudochilarimiz jahon chempionatida zafar quchishdi
Poytaxtimiz mezbonligida o‘tgan dzyudo bo‘yicha Harbiylar o‘rtasidagi 42-Jahon chempionati o‘z yakuniga yetdi.
Uch kun davomida «Yunusobod» sport majmuasida dunyoning 30 dan ortiq davlatidan 400 nafarga yaqin harbiy dzyudochilar jahon chempionati medallari uchun bahs olib borishdi. Yakkalik musobaqasida 5 ta oltin, 5 ta kumush, 3 ta bronza medalini qo‘lga kiritgan O‘zbekiston terma jamoasi yakunda umumjamoa hisobida 1-o‘rinni qo‘lga kiritgandi.
Kecha jahon chempionatining so‘nggi kuni jamoaviy bellashuvlar tashkil etildi. Ayollar o‘rtasidagi bahslarda qizlarimiz jahon chempioniga aylanishdi. O‘zbekiston ayollar terma jamoasi finalda fransiyalik dzyudochilarni 3:1 hisobida yengishdi.
O‘zbekiston erkaklar terma jamoasi esa murosasiz kechgan final uchrashuvida mo‘g‘ulistonlik harbiy dzyudochilarga 2:3 hisobida imkoniyatni boy berib qo‘yishdi. Hal qiluvchi beshinchi bellashuvda Artyom Shturbabin raqibiga yutqazib qo‘ydi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter