Deputatlik saylovi natijalari bo‘yicha yakuniy qarorlar e’lon qilindi
Markaziy saylov komissiyasi bir mandatli saylov okruglari bo‘yicha Oliy Majlis Qonunchilik palatasiga deputatlar saylovining natijalari to‘g‘risidagi qaror matnini hamda saylangan deputatlar ro‘yxatini e’lon qildi.
Unga ko‘ra, joriy yil 27-oktyabrda o‘tkazilgan bir mandatli saylov okruglari bo‘yicha Oliy Majlis Qonunchilik palatasiga deputatlar saylovi o‘tgan va haqiqiy deb topilgan.
Qaror bilan, shuningdek, bir mandatli saylov okruglari bo‘yicha Qonunchilik palatasiga saylangan 75 nafar deputat ro‘yxatga olinishi belgilangan.
Shu bilan birga, MSK yagona saylov okrugi bo‘yicha O‘zbekiston Respublikasi Oliy Majlisi Qonunchilik palatasiga partiyalar ro‘yxati asosida saylangan deputatlarni ro‘yxatga olish to‘g‘risidagi qarori hamda saylangan 75 nafar deputat ro‘yxatini ham e’lon qildi.
Hujjatga muvofiq, Qonunchilik palatasining ro‘yxatga olingan deputatlariga belgilangan tartibda guvohnoma va ko‘krak nishonlari tarqatiladi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter