Android qurilmalar uchun Xabar.uz mobil ilovasi. Yuklab olish ×
IOS qurilmalar uchun Xabar.uz mobil ilovasi. Yuklab olish ×

Ziyorat turizmi bo‘yicha muhim tadbir tashkil etildi

Ziyorat turizmi bo‘yicha muhim tadbir tashkil etildi

O‘zbekistonda turizm sohasini rivojlantirishda raqamli texnologiyalar va innovatsion yondashuvlardan foydalanish hamda xalqaro tajriba almashinuvi orqali mamlakatimizda ziyorat turizmini yanada rivojlantirish maqsadida Toshkent shahridagi Singapur menejmentni rivojlantirish institutida (TSMRI) «Ziyorat turizmining transformatsiyasi: an’anaviy qadriyatlar va zamonaviy yechimlar» mavzusida davra suhbati tashkil etildi.

Tadbirda o‘z ma’ruzalari bilan ishtirok etgan TSMRI rektori I.Mamatkulov, O‘zbekiston xalqaro islom akademiyasi rektori M.Komilov, Turizmni rivojlantirish ilmiy-tadqiqot instituti direktori Ye.Golisheva hamda O‘zbekiston, Turkiya, Pokiston va boshqa mamlakatlarning yetakchi ekspertlari va turizm sohasi vakillari ziyorat turizmini rivojlantirishda an’anaviy qadriyatlarning o‘rni va zamonaviy tendensiyalari, raqamli texnologiyalarning ziyorat turizmini rivojlantirish va ommalashtirishga ta’siri, ziyorat turizmini barqaror rivojlantirish sohasida xalqaro hamkorlik imkoniyatlarini muhokama qildilar.

Davra suhbatida sohaga raqamli texnologiyalarni joriy etish, sun’iy intellektdan foydalanish, ziyoratchilar uchun infratuzilmani rivojlantirish masalalariga alohida e’tibor qaratildi. Ziyoratchilarga xizmat ko‘rsatish sifatini oshirish, yangi sayyohlik yo‘nalishlarini ishlab chiqish va ziyorat turizmi sohasida barqaror yechimlarni amalga oshirish kabi masalalari bo‘yicha ishtirokchilarni qiziqtirgan savollarga batafsil ma’lumotlar berildi. Sayyohlik xizmatlarini raqamlashtirish, logistika ta’minotini yaxshilash, muqaddas qadamjolarni ziyorat qilish uchun qulay sharoitlar yaratish bo‘yicha tavsiyalar ishlab chiqildi.

Izohlar 0

Izoh qoldirish uchun saytda ro'yxatdan o'ting

Kirish

Ijtimoiy tarmoqlar orqali kiring