Ayrim kasblar xodimlarning ruhiy salomatligi uchun xavflidir, deydi rossiyalik psixolog Natalya Naumova. Bu doimiy stress, ortiqcha yuk va hissiy charchash bilan bog‘liq, deya shifokorning so‘zlarini keltirmoqda «Vechernyaya Moskva».

Bunga birinchi navbatda xavfli kasblar vakillari kiradi. Bular harbiy xizmatchilar, politsiyachilar, uchuvchilar, o‘t o‘chiruvchilar, qo‘riqchilar. Ular jamiyatda muhim o‘ringa ega va boshqa odamlarning hayotini saqlab qolish uchun kurashishadi. Bunday kasblar xavf bilan to‘la bo‘lib, ishchilar ko‘pincha o‘zlarini va sog‘lig‘ini unutishadi.

Ijtimoiy kasb vakillari ham (masalan shifokorlar) charchash va stressdan aziyat chekishi mumkin. 

Ofis va korxonalarda ishlash, agar u to‘g‘ri tashkil etilmagan bo‘lsa yoki jamoada yomon munosabatlar mavjud bo‘lsa, ruhiy salomatlikka ta’sir qilishi mumkin. Bundan tashqari, jamoat transporti va taksi haydovchilari ruhiy salomatlik uchun zararli deb topildi. 

Charchamaslik uchun ishdan tashqari dam olish va qiziqarli sevimli mashg‘ulotlariga ega bo‘lish uchun etarli vaqt ajratish kerak. Psixolog bunday kasb egalarida do‘stlar va qarindoshlar bilan tez-tez muloqot qilishni tavsiya qildi. Agar biror kishi ichida keskin ruhiy taranglik to‘planib borayotganini his qilsa, ishdan tanaffus qilib, o‘z sog‘lig‘i uchun g‘amxo‘rlik qilgani ma’qul.