«UzAuto Motors» kompaniyasining xorijlik rahbari Bo Andersson ishdan ketdi. 

«UzAuto Motors» va «UzAuto Motors Powertrain» kompaniyalari bosh direktori Bo Andersson lavozimidan ozod etildi.

Bugun, 27-dekabr kuni ushbu lavozimda 3 yil muddat foliyat olib borgan Bo Anderssonni kuzatish marosimi bo‘lib o‘tdi. Tadbirda shvetsiyalik mutaxassisning O‘zbekiston avtomobil sanoati rivojiga qo‘shgan xizmatlari qayd etildi.

O‘tgan 3,5 yil davomida qilgan barcha ishlarimiz butun jamoamiz: muhandislar, menejerlar, hunarmandlar va eng muhimi ishchilar mehnatining samarasidir. Ishonchim komilki, har qanday korxonaning asosi insondir. So‘nggi yillardagi muhim natijalar qatorida kompaniyada barchani muvaffaqiyatlari va natijalariga ko‘ra rag‘batlantirish imkonini beruvchi aniq va aniq KPI tizimini joriy etganimizdan xursandman, – degan Bo Andersson.

Anderson Shvetsiya harbiy akademiyasi, Garvard universiteti, Stokgolm universiteti bitiruvchisi bo‘lib, u avtomobilsozlik sohasidagi faoliyatini 1987-yildan Shvetsiyaning Saab Automobile AB kompaniyasida boshlagan.

2001-2009-yillarda General Motors’ning global xarid bo‘linmasiga rahbarlik qilgan. 2009-yildan 2013-yilgacha Gruppa GAZ korxonasi, 2014-yildan 2016-yilgacha AvtoVAZ OAJ prezidenti bo‘lgan. O‘zbekistonda esa 2021-yil ish boshlagandi.