Туркия ҳукумати Ўзбекистонга янги элчисини жўнатди
Туркия ҳукумати Ўзбекистондаги элчихонасига Уфук Улуташни раҳбар этиб тайинлади.
Уфук Улуташ бугун, 27 февраль куни Ўзбекистон ТИВ раҳбарига ишонч ёрлиқлари нусхаларини топширди.
«Бугун Уфук Улуташ жанобларидан ишонч ёрлиқлари нусхаларини қабул қилдик. Ўзбекистон ва Туркия нафақат икки томонлама шерикчилик даражасида, балки минтақавий ҳамкорликни кенгайтиришда ҳам фаол давом этмоқда.
Ишончимиз комилки, биргаликдаги саъй-ҳаракатларимиз ҳар икки мамлакат равнақи ва тараққиётига хизмат қилади. Жаноб Элчини ушбу лавозимга тайинлангани билан самимий табриклаймиз ва дипломатик миссиясида муваффақиятлар тилаймиз», – деб ёзади Ўзбекистон ТИВ раҳбари Бахтиёр Саидов.
Эслатиб ўтамиз, Туркиянинг Ўзбекистондаги аввалги элчиси 2021 йилдан буён шу лавозимда ишлаб келган Олган Бекар эди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter