Сенат ялпи мажлисида ухлаб қолгани айтилган иштирокчининг соғлиғи ёмонлашиб қолган
Ижтимоий тармоқларда Олий Мажлис Сенатининг бугунги ялпи мажлиси вақтида Сурхондарё вилояти студияси жонли эфирга олиб чиқилганда орқа қаторда ўтирган иштирокчининг ухлаб қолгани айтилган видеолавҳа тарқалди.
Халқ депутатлари Сурхондарё вилояти кенгаши берган расмий тушунтиришда Сенат ялпи мажлисида мазкур иштирокчининг соғлиғи ёмонлашиб қолгани айтилади.
Қўшимча киритилишича, сенатор Дилбар Сувонова сўзга чиққан вақтида орқа ўриндиқда ўтирган иштирокчининг соғлиғи ёмонлашиб қолган ва жонли эфир вақтида бошқалар эътиборини тортмаслик учун ташқарига чиқмай турган.
«Иштирокчи бу вазиятда ҳолатидан келиб чиқиб кўринмасликка ҳаракат қилганлигини таъкидлади. Ҳозирда тиббий муолажа кўрсатилган ва унинг ҳолати яхши», — дейилади хабарда.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter