Жорий йилнинг 25 февраль куни Сурхондарё вилояти Узун тумани суди қарори билан 50 ёшли фуқаро Тоҳир Хаитов безориликда айбланиб, унга 6 суткалик қамоқ жазоси тайинланган. Шундан сўнг айбланувчи Термиз шаҳридаги қамоқхонага олиб кетилаётган вақтда соғлиғи ёмонлашади ва Сариосиё тумани тиббий ёрдам бўлимига олиб келинади.

Кўп ўтмай шифокорлар унинг вафот этганини малум қилади.

Ўлим сабабини ўрганиб чиққан Сариосиё туман суд-тиббий экспертизаси хулосасида марҳум юрак ишемик касаллиги, инфаркт миокарди, юрак аневризми ва юрак тампонацияси оқибатида вафот этгани қайд этилган. Экспертиза кўриги вақтида унинг баданида бирор-бир тан жароҳатлари ва уларнинг излари аниқланмаганлиги кўрсатилган.

Шундай қилиб, Омбудсманга тақдим этилган якуний маълумотларга кўра, фуқаро Т.Хаитовнинг 2025 йил 25 февралда Сариосиё тумани тиббиёт бирлашмасида вафот этганлиги ҳолати юзасидан туман прокуратураси томонидан терговга қадар текширув ҳаракатлари якунланган ва текширув натижасига кўра, мазкур ҳолатда бирор-бир шахснинг ҳаракатида жиноят таркиби аниқланмаганлиги сабабли ЖПКнинг 83-моддаси 2-бандига асосан жиноят иши қўзғатишни рад қилиш ҳақида қарор қабул қилинган.