Канадага қўнаётган йўловчи самолёти ағдарилиб кетди
Delta Airlines авиакомпаниясининг Bombardier йўловчи самолёти Канаданинг Торонта шаҳри аэропортига қўниш пайтида ағдарилиб кетди.
Ҳодиса маҳаллий вақт билан 17 феврал соат 14:45 да (бизнинг вақт билан 18 феврал 00:45 да) содир бўлган.
Миннеаполис (АҚШ)дан учиб келган ушбу самолёт бортида 80 киши бўлган. Сўнгги маълумотларга кўра, камида 15 киши жароҳат олган, улардан уч нафари, жумладан, бир бола оғир аҳволда.
ABC News телеканалига кўра, бахтсиз ҳодиса аниқ сабаби ҳозирча маълум эмас, бироқ самолёт кучли қор бўрони туфайли ағдарилиб кетган бўлиши ҳам мумкин. Самолёт қўнаётган пайтда шамолнинг тезлиги ерда 65 км/соат атрофида, юқорида янада кучлироқ бўлган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter