Бухоро аэропортида заргарлик буюмларини олиб чиқишга бўлган уриниш фош қилинди
«Бухоро аэропорти» чегара божхона пости ва Авиация хавфсизлиги хизмати ходимларининг ўзаро ҳамкорлигида қимматбаҳо металлардан ясалган заргарлик буюмлари ҳамда маданий бойликларни ноқонуний равишда хорижга олиб чиқишга уриниш бартараф этилди.
Тафсилотларда айтилишича, «Бухоро – Санкт-Петербург» йўналишидаги авиақатнов орқали хорижга учиб кетмоқчи бўлган фуқаро умумий қиймати 165 миллион сўм бўлган заргарлик буюмларини божхона ходимининг оғзаки сўровида маълум қилмаган ва йўловчи божхона декларациясида қайд этмаган.
Натижада, олиб чиқиш меъёридан ортиқча бўлган жами 37 дона, оғирлиги 226,04 грамм бўлган заргарлик буюмлари ҳамда тарихий аҳамиятга эга 16 дона кўкрак нишонлари ва тангалар аниқланиб, ашё далил сифатида вақтинча сақловга олинди.
Ҳозирда мазкур ҳолат юзасидан божхона органлари томонидан тегишли тартибда иш олиб борилмоқда.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter