Қашқадарёда газ қуйиш шохобчаси ёниб кетди
Қашқадарёда газ қуйиш шохобчаси ёниб кетди. ФВБ воқеа тафсилотларини эълон қилди.
7 октябр куни соат 15:45 да Қашқадарё вилояти, Қарши тумани «Дашт» МФЙ ҳудудидан ўтувчи, «Ғузор-Қарши» автомобиль йўлида жойлашган автомобилларга суюлтирилган газ қуйиш шохобчасида «Камаз-512» русумли автомобилидан газ сақлаш ёмкостига газ қуйиш вақтида газ-ҳаво аралашмасининг чақнаши содир бўлган. Чақнаш натижасида ёнғин юзага келган.
Шунга кўра, 4 та ёнғин-қутқарув экипажи ҳодиса жойига етиб бориб, ёнғин ўраб олинган ва ўчирилган.
Ёнғин натижасида шохобча биносининг 22 кв.м майдонда том қисми ёниб зарарланган.
Ёнғин натижасида тан жароҳати олган ва вафот этганлар йўқ.
Ҳозирда ёнғин сабаби ва моддий зарар миқдори аниқланмоқда.
Воқеа жойига вилоят ва туман ФВБ раҳбар ходимлари чиққан, дейилади хабарда.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter