АҚШнинг Жанубий Каролина штати ёнғин қамалида қолди (видео)
АҚШнинг Жанубий Каролина штатида кучли шамол туфайли 175 дан зиёд ўрмон ёнғинлари келиб чиқди, деб хабар берди USA Today.
Ўт ўчирувчилар ёнғинга қарши курашишни шамол тинганидан сўнг бошлай олишди, аммо синоптикларнинг огоҳлантиришича, кучли шамоллар олдинда.
Энг катта ёнғин штат ғарбидаги 1 600 акр (6,5 минг гектарга яқин) майдонни қуршаб олди.
Якшанба куни штатнинг соҳилбўйи ҳудудлари аҳолиси хавфсиз ҳудудларга кўчирилди. Қўшни Шимолий Каролина штатида эса душанба куни ҳам эвакуация давом этди.
Синоптиклар шамол кучайишидан огоҳлантиришмоқда: намлик етишмаслиги ва қурғоқчилик оқибатлари сабабли АҚШнинг марказий ҳудудлари, жумладан, Аризона, Ню-Мексико, Техас ва Канзас штатларида ҳам катта ёнғинлар пайдо бўлиши хавфи бор.
Эслатиб ўтамиз, 2025 йил январида Калифорниядаги серталафот ёнғинларга айнан кучли шамол ва қуруқ ҳаво замин яратганди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter