Tabiiy ofatlardan eng ko‘p jabr chekkan mamlakatlar ma’lum bo‘ldi
Iqlim o‘zgarishlari tufayli yuzaga kelgan og‘ir ob-havo sharoitlari 2014-yildan buyon qator mamlakatlar iqtisodiyotiga jiddiy ta’sir ko‘rsatdi, deb yozmoqda The Guardian.
Nashrga ko‘ra, so‘nggi 10 yilda tabiiy ofatlardan eng ko‘p iqtisodiy zarar ko‘rgan mamlakatlar quyidagilar:
- AQSh — 935 mlrd dollar;
- Xitoy — 268 mlrd dollar;
- Hindiston — 112 mlrd dollar.
Keyingi o‘rinlarda: Germaniya, Avstraliya, Fransiya va Braziliya.
Noqulay ob-havo 10 yilda jahon iqtisodiyotiga 2 trln dollar qiymatida zarar yetkazdi. Shundan 451 milliard dollarlik zarar so‘nggi ikki yilga tegishli. Ekspertlar 4 mingdan ortiq suv toshqinlari, qurg‘oqchiliklar va boshqa ob-havo injiqliklarini tahlil qilib, ushbu xulosaga kelishdi.
Shundan kelib chiqib, Xalqaro savdo palatasi davlatlar yetakchilarini iqlim o‘zgarishlari bo‘yicha loyihalarga ko‘proq sarmoya kiritishga chorlamoqda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter