Xabarlar tezkor Telegram kanalimizda Obuna bo'lish ×

Pensioner qadimgi Rim tangasini topib oldi

Pensioner qadimgi Rim tangasini topib oldi

Foto: Noonans Mayfair

Buyuk Britaniyada pensiyadagi 59 yoshli quruvchi Pol Keypvell dalada metall qidirgich yordamida noyob tanga topib oldi. BBC News yozishicha, tanga 6 ming funt sterling (salkam 8 ming dollar)ga baholanmoqda.

Rim imperatori Trayan davrida, milodiy 107 yilda zarb etilgan tanga Angliyaning Kembrijshir grafligi hududida topilgan.

«Xazina qidirish uchun faqat bir dalaga 20 yildan buyon qatnayman. O‘shandan buyon bir nechta Rim va o‘rta asrlar tangalarini qo‘lga kiritdim. Bunisini esa mashinamdan atigi 5 metr narida, 8 dyuym (20,32 sm) chuqurlikdan topdim», — dedi Keypvell.

Tanga Londondagi kimoshdi savdosiga qo‘yildi. Pensioner sotuvdan tushgan pulni yer egasi bilan bo‘lishib, qolganiga yangi metall qidirgich sotib olish yoki yuragini operatsiya qildirishni rejalashtirgan.

Izohlar 0

Izoh qoldirish uchun saytda ro'yxatdan o'ting

Kirish

Ijtimoiy tarmoqlar orqali kiring