Filippinda «Trami» tropik dovuli qurbonlari soni 46 nafarga yetdi
Filippinning Luson orolida ikki kunda ikki oylik me’yordagi yog‘in yog‘ishiga sabab bo‘lgan «Trami» tropik dovuli qurbonlari soni 46 kishiga yetdi. Bu haqda GMA News telekanali xabar berdi.
Filippin fuqaro mudofaasi departamenti ma’lumotlariga ko‘ra, 23 va 24-oktyabr kunlari tabiiy ofat oqibatida 20 kishi bedarak yo‘qolgan, 7 kishi jarohatlangan. Suv toshqinlari tufayli o‘n minglab odamlar evakuatsiya qilindi.
«Trami» bo‘roni payti shamolning tezligi soatiga 85 kilometrga yetgan. Lusondagi davlat idoralari va maktablar 25-oktyabr kuni yopildi, g‘arbiy sohilga balandligi ikki metrgacha to‘lqin kelishi xavfi saqlanib turibdi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter